話說舊年我去吳哥窟旅行，喺吳哥窟最高位置跌咗個鏡頭蓋落去。我試過爬上去，又試下禁落去啦都係唔成功。結果支燈泡頭就冇咗鏡頭蓋。之後我唯有發揮我小宇宙，去超級市場搵下啲咩可以代替。
白痴仔爬左上去揾, 我見到個鏡頭蓋, 不過位置好危險我就放棄左...
一開始打算用lock and lock嘅盒嚟頂住先。我手頭連一把尺都冇，亦都唔知道究竟個鏡頭有幾闊。然後搵搵下見到一盒糖。然後我再去文具舖搵咗嗰啲軟墊。臨時你鏡頭蓋就完成咗。
好神奇地鏡頭啱啱好卡實咗，然後我就係咁樣繼續旅行咗兩個星期先返到香港。
我響香港百佳都見到過呢隻糖。我諗全世界唔同地方都應該有入口。大家唔見鏡頭蓋嘅時候可以試下，唯一問題就係你要食曬個盒入面幾十粒糖。
另外就算你唔係用緊呢支鏡頭，亦都可以試下用一啲長筒型嘅lock and lock然後再用繩將個袋綁實喺個鏡頭相，我試過亦都係得嘅。
Comments
Post a Comment